આંખોએ ઈચ્છ્યું કંઈક કહેવું અને ઈશારાઓ ક્ષણ બની વ્યાપી ગયા
ન પહોંચી શક્યા જે મંઝીલે તે સઘળા રણ બની વ્યાપી ગયા

એક પળ જો રહ્યો ગાફેલ તમારા સ્મરણ કરવા માત્રથી
તૂટી પડી ફરિયાદો અને તમારી યાદોના કણ ઘણ બની વ્યાપી ગયા

મનનો માહોલ ફિક્કો હતો જ્યારે તમારી ઉપસ્થિતિ નહતી.
આવ્યા તમે તો સર્વત્ર સુગંધના સ્ત્રોત વળગણ બની વ્યાપી ગયા

સર્જન થયું સૃષ્ટિનું અનંત યુગો બંધાયા એકબીજાથી
તમે બન્યા પ્રેમકથા અમે અવતરણ બની વ્યાપી ગયા.

- દીનેશ ગજ્જર