મારા વિશે

કેમ છો? મિત્રો!!

મારુ નામ દીપક પરમાર, મારો જન્મ અમદાવાદમા થયો પરંતુ ઉશેર વીશે કહેવુ થોડુ અઘરુ છે. બીજા ધોરણ સુધી દાદા-દાદી જોડે મહેસાણા નજીક આવેલા ધામણવા ગામમા રહ્યો, અને પછી જે યાત્રા ચાલુ થઈ એને ગુજરાત ના ઘણા બધા વિસ્તારો ને સમેટી લીધા, ધોરણ ૩-૧૨ પુરુ કરતા-કરતા હુ અમદાવાદ, જુનાગઢ, મોરબી, વઢવાણ, ગાંધીનગર, મહેસાણા, વડનગર અને છેલ્લે પાછુ અમદાવાદ ફરી ચુક્યો છુ. ડિપ્લોમા ઇન આ.ટી એન્જીનીયરીંગ ગાંધીનગર ખાતે અને સ્નાતક આ.ટી એન્જીનીયરીંગ રાજકોટ ખાતે પુરૂ કર્યુ, કદાચ એટલે જ હું ગુજરાતી બોલુ અને લખુ છું ત્યારે અમદાવાદની શિશસ્તા, મહેસાણાની જડતા અને કાઠીયાવાડની મિઠાશ ડોકાચીયા કરતી રહે છે.

ગુજરાતી કાવ્યો સાથે મારો લગાવ શાળાના દિવસોથી શરૂ થયો, આ લગાવ પાછળ પણ એક સરસ વાત જોડાયેલી છે. “પર્વતને નામે પથ્થર…  – ચીનુ મોદી” , મને યાદ નથી આ ગઝલ કયા ધોરણના પાઠ્યપુસ્તક મા આવી હતી પણ જે દિવસે મે આ ગઝલ પહેલી વાર વાચી ને બસ વાચતોજ રહ્યો અને ત્યાર પછી જ્યારે પણ નવા ધોરણમા પ્રવેશ કરતો ત્યારે સૌ પ્રથમ ગુજરાતીની ચોપડી લઈ બધાજ કાવ્યો અને ગઝલ પહેલા દિવસેજ વાંચી જતો. અને એટલે આપણા સૌના માનીતા અને લોકલાડીલા કવી ચીનુભાઈ મોદી નો હું ખુબજ આભારી છું કે જેમણે આટલી સરસ ગઝલ લખી અને મને ગુજરાતી કાવ્યો પ્રત્યેના લગાવની બહુમુલ્ય ભેટ આપી.

આમ તો વ્યવસાયે હું સૉફટવેર એન્જીનીયર છું એટલે આખો દિવસ મારે કમ્પ્યુટર જોડે માથાકૂટ કરવાની હોય, એક દિવસ અચાનક હુ “લયસ્તરો” વેબ સાઈટ ઉપર જઈ ચડ્યો અને પછી તો તે રોજની દિનચર્યા થઈ ગઈ, ગુજરાતી બ્લોગ જગત મા મારે  “લયસ્તરો” વીશે પરીચય આપવાની જરૂર નથી. બસ આમ જ એક દિવસ એક કવિતા ના અભિપ્રાય રૂપે મે મારી એક કવિતા “છેલ્લી મુલાકાત” મોકલી, થોડા દિવસો પછી મને “સુરેશભાઈ જાની” તરફથી મેલ આવ્યો કે “મારે તામારી કવિતા મારા બ્લોગ ઉપર મુકવી છે, શું હુ મુકી શકુ? “. ભાવતુ હતુ અને વૈધે કહ્યુ – મુહાવરા ને સાર્થક કરતો આ સવાલ મારા ચહેરા ઉપર હજારો ઘોડાપૂર જેટલી ખુશીઓ લઈ ને આવ્યો…બસ પહેલી વાર મને વિસ્વાસ થયો કે આ નવા નિશાળિયાનુ લખાણ બ્લોગ ઉપર મુકી શકાય, અને થોડા સમય પછી મે મારો પોતાનો બ્લોગ શરુ કરવાની હિંમત કરી, એટલે હું હદય ના ઉંડાણથી “  ‘કાવ્યસૂર’ અને ‘ગધ્યસૂર’ ના સર્જક  સુરેશભાઈ જાની, ‘લયસ્તરો’ ના સર્જકઃ ડો. વિવેક ટેલર, ધવલ શાહ” નો આભારી છું.

એક નાનકડી વાત, આજ ના કૉપી-પૅસ્ટ ના જમાનામા મારી એક નમ્ર વિનંતી છે કે આ બ્લૉગ ઉપરની મારી કોઈ પણ કવિતાનું પુનઃમુદ્રણ કરવા માટે કવિ તરીકે મારા નામનો ઉલ્લેખ અનિવાર્ય છે.  પુનઃમુદ્રણ અંગે મને સંપર્ક કરીને જણાવશો તો ખૂબ ગમશે.

અને હાં… તમને કોઈ રચના ગમી જાય તો દરેક રચના નીચે આપેલ Response Link  ઉપર click  કરી બે શબ્દો લખવાનું ભુલતા નહી હો…

આપના તરફ થી કોઈ પણ સુઝાવ આવકાર્ય છે…….

– દીપક પરમાર (“દીપ”)

ઇ-મૅલઃ deepakvparmar@gmail.com

*** If you are not able to read Gujarati in this blog,
please click “view” menu at the top of your browser page
and go to “Character encoding” & change to “UTF-8 (unicode)”.***

 

To install Gujarati Font Click Here